12 ოქტომბერს, ბათუმის საზაფხულო თეატრში, „წისქვილის თეატრი“ ლეგენდარულ მიუზიკლს „ჩიკაგოს“ წარმოგიდგენთ.

„ჩიკაგო“ – ეს ერთგვარი ცირკია ყველაზე შთამბეჭდავი წარმოდგენითა და სანახაობით, ჯამბაზებითა და მარიონეტებით, ცრუ სიყვარულითა და ნამდვილი სიძულვილით. 32 500 წარმოდგენა და 32 მილიონზე მეტი მაყურებელი – ეს მიუზიკლის რეკორდია.

„ჩიკაგოს“ მსოფლიო რუკაზე უკვე საქართველო, თბილისი და ქართველი მაყურებელიც გამოჩნდა.

მიუზიკლი ეფუძნება მორინ დალას უოტკინსის 1926 წელს დაწერილ ამავე სახელწოდების პიესას, რომელიც, თავის მხრივ, იმ დროს განვითარებულ რეალურ ამბებს ასახავს. უოტკინსი „ჩიკაგო ტრიბუნის“ კრიმინალური განყოფილების ჟურნალისტი იყო, რომელმაც ფაბულად კრიმინალური ქრონიკის ისტორიები გამოიყენა. მთავარი გმირების პროტოტიპები რეალური ადამიანები იყვნენ – მკვლელი ქალები ჩიკაგოდან – ბელვა გარტნერი და ბეულა ანანი.

18:00 – კარის გახსნა

19:00 – დასაწყისი