შპს „აიდიეს ბორჯომი თბილისი“ არის საერთაშორისო კომპანია IDS ბორჯომის ჯგუფის წევრი. კომპანიის ძირითად საქმიანობას წარმოადგენს კომპანია IDS ბორჯომი საქართველოს მიერ წარმოებული პროდუქციის გაყიდვა და მიწოდება საქართველოს ტერიტორიაზე.
ბაზარზე ჩვენ ვყიდით წყლის ისეთ ლიდერ ბრენდებს, როგორიცაა: «ბორჯომი», «ლიკანი» და «ბაკურიანი».

გაყიდვების დეპარტამენტში, ვეძებთ გუნდის ახალ წევრს ჰორეკა ტერიტორიის განვითარების მენეჯერის პოზიციაზე.

სამუშაო განაკვეთი: ორშაბათი-შაბათი, 40 სამუშაო საათი კვირაში.
ანაზღაურების ტიპი: ფიქსირებული ხელფასი, ყოველთვიური გეგმის შესრულებაზე დამოკიდებული ბონუსი.

ძირითადი მოვალეობები:

• ჰორეკა (სასტუმროები, რესტორნები, კაფე-ბარები, სხვა კვების ობიექტები) ობიექტებში მოლაპარაკებების წარმართვა;
• მის დაქვემდებარებაში არსებული ბიზნესის განვითარების აგენტების მუშაობის მონიტორინგი და საველე სამუშაო პროცესის სრული მართვა;
• კვების ობიექტებში პროდუქციის წარმოდგენის სტანდარტების მონიტორინგი;
• სავაჭრო ქსელის გაფართოებისა და განვითარების შესახებ წინადადებების შემუშავება;
• დებიტორების სიის ანალიზი და კონტროლი;
• უშუალო ხელმძღვანელის ცალკეული მითითებების შესრულება;
• გუნდის წევრების მიერ დისციპლინის, სტანდარტების, შიდა რეგულაციების დაცვისა და შესრულების მონიტორინგი;
• გუნდში ჯანსაღი ურთიერთობებისა და სამუშაო გარემოს უზრუნველყოფა;

აუცილებელი მოთხოვნები:

• გაყიდვების/დისტრიბუციის სფეროში სუპერვაიზერად მუშაობის მინიმუმ 1 წლიანი გამოცდილება;
• გუნდის მართვის გამოცდილება;
• კომუნიკაციისა და მოლაპარაკების წარმოების უნარი;
• ანალიტიკური აზროვნება;
• MS Office-ის სტანდარტული პაკეტის ცოდნა;
• უმაღლესი განათლება, სასურველია მენეჯმენტის ან ეკონომიკურ სფეროში
• უცხო ენების-რუსული ან ინგლისურის ცოდნა;
• ავტომობილის მართვის მოწმობა;

ჩვენ რას გთავაზობთ:

• საერთაშორისო კომპანიაში მუშაობის გამოცდილებას
• სამართლიან, გამჭვირვალე შეფასების სისტემას
• კონკურენტუნარიან ბენეფიტების პაკეტს
  საუკეთესო სამედიცინო დაზღვევას

შერჩევის ეტაპები:

1. გაცნობითი ხასიათის შეხვედრა ეიჩართან
2. შეხვედრა ამყვან მენეჯერთან
3. კონკრეტული დავალების შესრულება/პრეზენტაციის მომზადება და წარდგენა

გთხოვთ, გაითვალისწინოთ, რომ შერჩევის შემდეგ ეტაპზე გადავლენ მხოლოდ ის კანდიდატები, ვისი მონაცემებიც მაქსიმალურად შეესაბამება ვაკანსიის მოთხოვნებს.

გისურვებთ წარმატებებს!

თქვენს მიერ გაგზავნილი რეზიუმე “პერსონალურ მონაცემთა დაცვის შესახებ” საქართველოს კანონის შესაბამისად, შესაძლოა შეიცავდეს პერსონალურ მონაცემებს, მათ შორის განსაკუთრებული კატეგორიის მონაცემებსაც.

გაცნობებთ, რომ თქვენი პერსონალური მონაცემები ჩვენი კომპანიის მხრიდან დამუშავდება თქვენთან სახელშეკრულებო, მათ შორის შრომითი ურთიერთობის დამყარების შესახებ გადაწყვეტილების მიღების მიზნებისათვის. სავაკანსიო მოთხოვნებიდან გამომდინარე თქვენს მიერ გამოგზავნილი რეზიუმე შესაძლოა არ იქნას განხილული მოცემულ ვაკანსიაზე, ან დარეზერვებული იქნას სხვა რელევანტური ვაკანსიისთვის. იმ შემთხვევაში, თუ ეთანხმებით ზემოთ აღნიშნულს, გთხოვთ, გამოგვიგზავნოთ თქვენი რეზიუმე.