გახდი კონტაქტ ჰოუმის ფილიალის მენეჯერის ასისტენტი ბათუმში!

ვინ ვართ ჩვენ?

კონტაქტ ჰოუმი არ არის უბრალოდ ტექნიკის მაღაზია , ეს არის სივრცე ინოვაციებისა და საუკეთესო არჩევანისთვის! ჩვენ ვთანამშრომლობთ მსოფლიოს 30-ზე მეტ გიგანტთან (Samsung, LG, Bosch, Huawei, Realme, Sony, Hoffmann და სხვა). ჩვენს მომხმარებელს ვუქმნით კომფორტს. უკვე 250-ზე მეტი პროფესიონალი ქმნის ჩვენს წარმატებას და ჩვენი ზრდის ტემპი არ ჩერდება. ჩვენ არ ვეძებთ უბრალოდ თანამშრომლებს, ჩვენ ვეძებთ პარტნიორებს, რომელთა პიროვნულ და კარიერულ განვითარებაზე ზრუნვა ჩვენი პრიორიტეტია.

შენი მისია კომპანიაში:

როგორც ფილიალის მენეჯერის ასისტენტი ბათუმში, შენ იქნები მთავარი დამხმარე და დამაკავშირებელი რგოლი ფილიალის მენეჯერს, გუნდსა და მომხმარებლებს შორის.

• ფილიალის ყოველდღიურ საოპერაციო საქმიანობაში ჩართულობა და მენეჯერის მხარდაჭერა;
• ფილიალის გუნდთან აქტიური კომუნიკაცია, სამუშაო პროცესების კოორდინაცია და ეფექტურობის სტიმულირება;
• მომხმარებლებთან და პარტნიორებთან ნდობაზე დამყარებული ურთიერთობის შენარჩუნება;
• ფილიალის საჭიროებებისა და პრობლემების ზუსტი იდენტიფიცირება და ინფორმაციის დროული გაცვლა მენეჯერთან და გუნდთან;
• საჭირო დოკუმენტაციის, რეპორტინგისა და ადმინისტრაციული საკითხების აღრიცხვა.

ეს პოზიცია შენთვისაა, თუ:

• გაქვს მინიმუმ 1 წლიანი გამოცდილება მსგავს სფეროში (მომსახურების, გაყიდვების ან ადმინისტრაციული მიმართულებით მუშაობა ჩაითვლება უპირატესობად);
• ფლობ ეფექტური კომუნიკაციისა და მოლაპარაკებების ხელოვნებას;
• ხარ შედეგზე ორიენტირებული და ორგანიზებული;
• კარგად ფლობ საოფისე პროგრამებს (MS Office);
• ინგლისური ენის ცოდნა ჩაითვლება უპირატესობად.

რატომ უნდა შემოგვიერთდე? ჩვენ ვაფასებთ შენს დროს და შრომას:

• საუკეთესო გრაფიკი: დღეში 8 საათი, კვირაში 5 დღე 2 დასვენების დღე (შეთანხმებით);
• ფინანსური მოტივაცია: ფიქსირებული ანაზღაურება + ბონუსი მიღწეული შედეგების მიხედვით;
• ჯანმრთელობა: კორპორატიული დაზღვევა შენთვის და შენი ოჯახისთვის;
• აქტიური ცხოვრება: Fitpass-ით სარგებლობის შესაძლებლობა;
• მეტი დასვენება: წელიწადში 3 დამატებითი, ანაზღაურებადი Day Off;
• განვითარება: კარიერული წინსვლის რეალური პერსპექტივა მზარდ კომპანიაში.

მზად ხარ ახალი გამოწვევისთვის? გამოგვიგზავნე შენი რეზიუმე (CV)

განაცხადების მიღების ბოლო ვადა: 25 ივნისი, 2026

წარმატებებს გისურვებთ! შენი კარიერული ზრდა აქ იწყება!

*** შენიშვნა: * მოთხოვნილი დოკუმენტის/ინფორმაციის გადმოგზავნით დასაქმების მსურველი ადასტურებს, რომ მის მიერ მიწოდებული ინფორმაცია/დოკუმენტაცია არის უტყუარი. * დამსაქმებელი იღებს ვალდებულებას მოპოვებული ინფორმაცია დაამუშაოს (მოცემული ან სხვა რელევანტური ვაკანსიისათვის) იმ მოცულობით და ფარგლებში, რომელიც საჭიროა მიზნის მისაღწევად, 1 (ერთი) წლის ვადით, ხოლო ნებისმიერი სადავო საკითხის შემთხვევაში, შესაბამისი დავის დასრულებამდე. * კანდიდატი უფლებამოსილია ნებისმიერ დროს მოითხოვოს მის შესახებ არსებული ინფორმაციის დამუშავების შეწყვეტა. * გთხოვთ, მხოლოდ იმ შემთხვევაში გამოეხმაუროთ ვაკანსიას და გამოგვიგზავნოთ თქვენი მონაცემები, თუ თქვენ ეთანხმებით ზემოაღნიშნულ პირობებს.