2025 წლის 5-13 აპრილის პერიოდში ბათუმში ჩატარდება მსოფლიოში ერთ-ერთი ყველაზე მასშტაბური და პრესტიჟული საერთაშორისო პოკერის ტურნირი – EAPT Batumi 2025, რომლის საპრიზო ფონდი 1 მილიონი დოლარი იქნება.

ეს არის რიგით მეორე საერთაშორისო ტურნირი, რომელთა სერიასაც ECLIPSE POKER CLUB მასპინძლობს. ეს მოვლენა არა მხოლოდ საერთაშორისო მოთამაშეებს მოიზიდავს ბათუმში, არამედ მას შეუძლია მნიშვნელოვანი გავლენა იქონიოს რეგიონის ეკონომიკური, ტურისტული და საერთაშორისო იმიჯის განვითარებაზე.

ასეთი მაღალი დონის პოკერის ტურნირები უპრეცედენტოა საქარველოსთვის და ხელს შეუწყობს ათასობით მაღალშემოსავლიანი ტურისტის ჩამოსვლას რეგიონში, არა მხოლოდ ზაფხულის პიკის პერიოდში, არამედ არასეზონზე. ტურნირები ითვალისწინებს მინიმუმ 2,000 მონაწილის და მათი თანმხლები პირების 10-15 დღიან ვიზიტს, რაც იწვევს 5,000-მდე ტურისტის ვიზიტს. მათი ხარჯები სასტუმროებში, რესტორნებში და სხვა მომსახურების სფეროებში მნიშვნელოვნად გააძლიერებს ადგილობრივ ეკონომიკას.

EAPT Batumi არის არა მხოლოდ პოკერის ტურნირი, არამედ უნიკალური შესაძლებლობა რეგიონისთვის, რომ აჩვენოს თავისი პოტენციალი საერთაშორისო არენაზე მაღალი კლასის საერთაშორისო ღონისძიებების მასპინძლად. ეს მოვლენა პასუხს სცემს სამ მთავარ გამოწვევას:

1. როგორ შევქმნათ ახალი ტურისტული ნაკადების არხები და გავზარდოთ ისინი არასეზონზე;
2. როგორ შევქმნათ რეგიონისთვის დამატებითი სტაბილური ღირებულებები და სარგებელი ბიზნეს პროცესების სტიმულირებით;
3. როგორ გავზარდოთ ქვეყნის პოპულარობა მსოფლიოს მასშტაბით.

ECLIPSE ENTERTAITMENT ჯგუფის მიერ წარმოდგენილი ინიციატივა ჩაატაროს ბათუმში ამგვარი მასშტაბის ტურნირები არის მნიშვნელოვანი ნაბიჯი ბათუმის, როგორც საერთაშორისო გასართობი, ტურისტული და ბიზნეს ჰაბის განვითარებისათვის.