Privet Iz Batuma

ბათუმელების ერთ-ერთი ყველაზე საყვარელი კაფე, რომელიც უკვე 20 წელზე მეტია ინარჩუნებს პოპულარობას, გაიხსნა 2003 წლის აგვისტოში. თავიდან ეს იყო საკონდიტრო, შემდგომ უკვე გაფართოვდა და დაემატა ფართო ასორტიმენტის კერძები.

იდეა მოდის იქედან, რომ შენობა იყო ფოტოატელიე. ინტერიერსაც რომ შევხედოთ, ბევრი დეტალი შემორჩენილია კიდევაც ფოტოატელიედან. სურათები, რომელიც კაფეში კიდია, აბსოლუტურად მოდის იმ დროიდან და ამ სურათების დაახლოებითი ასაკი 30- 40 წელია. ასევე შემორჩენილია იმ ფოტოაპარატების კოლექცია, რომლებიც იყო იმ პერიოდისთვის დამახასიათებელი. ეს სახელი ეკუთვნის ფოტოატელიეს, რომელიც აქ იყო განთავსებული, დამფუძნებლის სურვილით სახელი შენარჩუნდა. აღსანიშნავია, რომ ფოტოსურათები რომლებიც ამშვენებს კაფეს გადაღებულია ამ ფოტოატელიეს მიერ და ამ სურათებზე გამოყენებულია სწორედ ეს სახელი.