საბავშვო ბაღი „ლელები“ – სადაც სიყვარული და თამაში სწავლების საფუძველია

ბავშვის პირველი ნაბიჯები განათლებისკენ ყველაზე ნაზ და სათუთ გარემოს მოითხოვს. საბავშვო ბაღი „ლელები“ სწორედ ის ადგილია, სადაც პატარებს სიყვარულითა და ოჯახური სითბოთი ხვდებიან.

ჩვენ დავესაუბრეთ ბაღის ხელმძღვანელობას, რომ უკეთ გაგვეგო, რა არის მათი მთავარი მიზანი და განსხვავება სხვა ბაღებთან შედარებით.

– რა არის „ლელების“ მთავარი ფასეულობა?
„ჩვენთვის ყველაზე მნიშვნელოვანი სიყვარულია. გვჯერა, რომ ბავშვი მაშინ სწავლობს საუკეთესოდ, როცა თავს ბედნიერად და უსაფრთხოდ გრძნობს. სწორედ ამიტომ, ჩვენი ყოველდღიურობა სავსეა სითბოთი, ზრუნვითა და კეთილგანწყობით. თითოეული ბავშვი ჩვენთვის ინდივიდუალურია – ვცდილობთ, მათი უნარები, ინტერესები და ტემპი გავითვალისწინოთ.“

– სწავლების რა მიდგომას იყენებთ?
„ჩვენი კონცეფცია თამაშით სწავლებაა. პატარებისთვის თამაში არა მხოლოდ გართობა, არამედ ყველაზე ეფექტური გზაა ცოდნის დასაგროვებლად. ინტერაქტიული მეთოდებით ისინი ეუფლებიან ინგლისურ ენას, მონაწილეობენ ხელოვნებისა და შემოქმედებით აქტივობებში, ავითარებენ მუსიკალურ და სპორტულ უნარებს. ასე სწავლა მათთვის ბუნებრივი და სასიამოვნო პროცესია.“

– გარემოზე რას გვეტყვით?
„ბაღი განთავსებულია უსაფრთხო და გამწვანებულ სივრცეში. კლასები ნათელი და კომფორტულია. გვყავს პროფესიონალი პედაგოგები, რომლებიც მუდმივად ზრუნავენ ბავშვების განვითარებაზე. უსაფრთხოების მიზნით გვაქვს ვიდეოკამერები და სახანძრო სისტემა, ხოლო კვება ეკოლოგიურად სუფთა პროდუქტებით არის უზრუნველყოფილი.“

– ზაფხულის ბანაკი „ლელებთან“ როგორია?
„ეს ჩვენი სიამაყეა – ბავშვები ატარებენ დაუვიწყარ დღეებს, იძენენ ახალ მეგობრებს და უამრავ მხიარულ გამოცდილებას. ეს არის პერიოდი, როცა სწავლა და დასვენება ერთმანეთს ერწყმის.“

რას ამბობენ მშობლები „ლელებზე“?

„ჩვენი შვილი უკვე სკოლაშია, მაგრამ დღემდე დიდი სითბოთი იხსენებს ბაღში გატარებულ დროს. აქედან გამოყოლილი ჩვევები და ცოდნა სკოლაშიც დაეხმარა.“

„ლელების ბაღი ბავშვებისთვის მართლაც მეორე ოჯახია – ისინი ყოველდღე სიხარულით მიდიან და დაბრუნებულები უამრავ ემოციას გვიზიარებენ.“

„განსაკუთრებით სასიამოვნოა, რომ სკოლაშიც მადლობას გვიხდიან იმისთვის, თუ როგორ მომზადებული მიდიან ბავშვები საბაზისო საფეხურზე.“

ბაღის გუნდისთვის ყველაზე დიდი აღიარება ის არის, რომ წლების შემდეგაც ბევრი ყოფილი აღსაზრდელი სიამოვნებით ბრუნდება სტუმრად – ეს კი ნიშნავს, რომ „ლელებთან“ გატარებული დრო მათთვის მართლაც განსაკუთრებული მოგონებად დარჩა.