18 აგვისტოს – Tropicos ბათუმი – ბოლო 3 ათწლეულის განმავლობაში ელექტრონული მუსიკისადმი ინოვაციური მიდგომით აღიარებულ არტისტს – AGORIA უმასპინძლებს.

ბოლო სამი ათწლეულის განმავლობაში ელექტრონული მუსიკისადმი ინოვაციური მიდგომით აღიარებული AGORIA ტექნოს, ჰაუსსა და ექსპერიმენტულ ტექსტურებს ატმოსფერულ კომპოზიციებში აზავებს. სწორედ ამ ხედვამ უბიძგა მას ფესტივალის, Nuits Sonores-ის თანადაარსებისკენ, რომელიც დღეს ევროპის ერთ-ერთი წამყვანი ელექტრონული მუსიკის ფესტივალია.

მისი უახლესი ალბომი „Unshadow“ 2024 წელს გამოვიდა, რომელშიც ნაილ როჯერსთან (NileRodgers) კოლაბორაციაც შედის. იმავე წელს, AGORIA-მ პარიზის 2024 წლის ზაფხულის ოლიმპიური თამაშების დახურვის ცერემონიაზე დაუკრა.

მას შემდეგ AGORIA ჰედლაინერის სტატუსით გამოდის მსოფლიოს უმსხვილეს სცენებზე – როგორც ანდერგრაუნდ, ისე VIP სამყაროში: Universe (იბიცა), Scorpios (მიკონოსი), Phi Beach (სარდინია), Be Beach (დუბაი) და Indie Beach (სენ-ტროპე)-დან დაწყებული, ლონდონის Fabric-ითა და ტურინის Kappa FuturFestival-ით დასრულებული.

კარის გახსნა: 00:45

ასაკობრივი შეზღუდვა 18+

Tropicos Batumi განთავსებულია Mono Hall Batumi-ს ტერიტორიაზე.