Sky Bar Nephele მდებარეობს შავი ზღვის საკურორტო ქალაქ ბათუმში, სასტუმრო ჰილტონ ბათუმის მე-20 სართულზე. ლაუნჯ ბარის სახელი ბერძნული მითოლოგიის მიხედვით მომდინარეობს სიტყვიდან νεφος (ნეფოს), რაც ღრუბელთა განმასახიერებელ ქალღმერთს ნიშნავს. ლეგენდის თანახმად ზევსმა ნეფელე შექმნა ღრუბლისგან და დაამსგავსა თავის მეუღლეს, ჰერას, რათა მოეტყუებინა იქსიონი, რომელსაც ჰერას ხელში ჩაგდება სურდა. იქსიონთან შეუღლებულმა ნეფელემ, რომელიც ასევე იყო ათამასის მეუღლე და ფრიქსოსისა და ჰელეს დედა, სათავე დაუდო კენტავრთა მოდგმას. ბერძნული მითოლოგიის თანახმად, ნეფელე სტუმართმოყვარეობის ქალღმერთიც გახლდათ. ჩვენი ფილოსოფია - "ნეფელე" სქაი ბარი წარმოაჩენს საუკეთესო აზიური და ევროპული სამზარეულოს ნაზავს, ქართული ტრადიციული კერძებისა და ღვინის ყველაზე ცნობილი ასორტიმენტით. კოქტეილის მოყვარულებს შეუძლიათ დატკბნენ ჩვენი ცნობილი მიქსოლოგის მიერ დამზადებული უჩვეულო კოქტეილებითა და შექმნილი დაუვიწყარი გარემოთი. მიმზიდველი კერძებისა და სასმელის გარდა, სტუმრებს შეუძლიათ ისიამოვნონ ტერასის თვალწარმტაცი, 360 გრადუსიანი ხედებით შავ ზღვაზე, აჭარის მთებსა და ნურიგელის ტბაზე.
მნიშვნელობა არ აქვს სადილზე მოხვალთ თუ ვახშამზე, თქვენ მიერ გატარებული დრო სქაი ბარ ნეფელეში აუცილებლად იქნება დაუვიწყარი. მქუბუქი სადილი და ნამცხვარი ყავის ან ჩაის თანხლებით, ისევე როგორც სხვადასხვა ევროპული და აზიური კერძები, ქართული ტრადიციული სამზარეულოს მნიშვნელოვანი ელემენტებით, ნეფელეში მოსულ არც ერთ სტუმარს გულგრილს არ დატოვებს. ტერასაზე მყოფ სტუმრებს შეუძლიათ დატკბნენ ზღვის ნიავით და ქართული ღვინისა თუ საერთაშორისო ცნობილი სასმელების ფართო ასორტიმენტით, ამასთანავე ეზიარონ კლუბურ გარემოში გარდამავალ ცოცხალ მუსიკასა და დიჯეის საღამოს, საფირმო კოქტეილებისა და ჩვენი გამოცდილი მზარეულების მიერ დამზადებული უგემრიელესი დელიკატესების თანხლებით.
ქართული კულინარიული გამოცდილება და ღვინის კულტურა - სქაი ბარი "ნეფელე" ასევე წარმოადგენს უნიკალურ ქართულ კულინარიას ცნობილი ნაციონალური კერძებითა და სხვადასხვა ღვინის მწარმოებლების მიერ დამზადებული უნიკალური ღვინოებით. განსაკუთრებით გამორჩეულია ქვევრის ღვინოები, რომელთა დაყენების ქართული ტრადიციული მეთოდი UNESCO-ს არამატერიალური კულტურული მემკვიდრეობის წარმომადგენლობით ნუსხაში არის შესული. ასევე აღსანიშნავია მეგრული ხაჭაპური, რომელიც ფორბსის ჟურნალის მიერ საუკეთესო ყველის პიცად დასახელდა და ის ეროვნული სამზარეულოს ერთ-ერთი ყველაზე ცნობილი ნიმუშია.
