გაგა გოშაძემ თანამედროვეობის ერთ-ერთი გამორჩეული დრამატურგის, სლავომირ მროჟეკის პიესა – “ზაფხულის დღე” აირჩია ბათუმის “ახალ სცენაზე” დასადგმელად.
პიესის ფაბულა: უიღბლო მამაკაცი თავის ჩამოხრჩობას გადაწყვეტს ერთ განმარტოვებულ ადგილას. გამოჩნდება იღბლიანი მამაკაცი, ვისაც ასევე ჩაუფიქრებია თვითმკვლელობა; მის ცხოვრებას აზრი დაუკარგა მუდმივმა, “უპირობო” წარმატებამ. პიესის მესამე პერსონაჟის – ახალგაზრდა ქალის გამოჩენა უიღბლოსა და იღბლიანის მრავლამხრივ საინტერესო დისკუსიას ტრადიციული სამკუთხედის სიუჟეტურ სიმძაფრეს სძენს.
ვის აირჩევს ქალი სუიციდის ზღვარზე მისული უიღბლოსა და იღბლიანისაგან? – “ზაფხულის დღე” იგავური ფორმით გვაწვდის პასუხს ამ მარადიულ კითხვაზე.
სპექტაკლი ეძღვნება მსახიობ მიშა ჯოჯუას ხსოვნას
სალარო:
თეატრის სალარო მდებარეობს ბათუმის დრამატული თეატრის ძირითად შენობაში მის. რუსთაველის №1
სალარო მუშაობს ყოველ დღე გარდა ორშაბათისა 12:00-დან 19:00 საათამდე
ბილეთების დაჯავშნა შესაძლებელია თეატრის სალაროში ადგილზე და ტელეფონის საშუალებით, ხოლო ჯავშანი ავტომატურად იხსნება სპექტაკლის წინა დღეს დღის ბოლომდე.
სპექტაკლები გაიმართება ეპიდემიოლოგიური სტანდარტებისა და რეგულაციების სრული დაცვით
