13 თებერვალი, დელირია ზეიმობს მარტოხელათა დღეს!
13 თებერვალს, თარს დღეს, დელირია ეპატიჟება ყველა გულგატეხილ და სიყვარულში იმედგაცრუებულს, მარტოხელას, ქალს, ვაჟს, გოგონას, ბიჭუნას, მათ, ვისაც არ უყვარს და არ სწამს 14 თებერვალი და ვალენტინობა, ვისაც უპასუხოდ ყვარებია, არ ყვარებია ან წინ აქვს ეს მთელი ჰორმონალური ორომტრიალი – ერთად ვიტიროთ, ვიქვითინოთ, ვიბღავლოთ, ერთად დავლიოთ, ვიგლოვოთ და ჩავაბაროთ ისტორიას უიმედო და უპასუხდ დარჩენილი წარსული, ან აწმყო. მერე ვიცინოთ, გავერთოთ, ვიხალისოთ, გავიღიმოთ და ვიყოთ ბედნიერები, დავხუროთ დიდი ხნის წინ დასახური წიგნი. მოკლედ, თქვენ გელოდებათ: უამრავი ალკოჰოლური სასმელი, სპეციალური კოქტეილები: „უაზროდ დაღვრილი მწარე ცრემლები“, „სისხლის გაშრობა“ დესერტები: „გატეხილი გული“ , „დაგლეჯილი ნერვები,“ სალათა „აწეწილი ცხოვრება“
ბურგერი „ყველაფერს ვიწყებ თავიდან“
მალამო, სალბუნი, თერაპია – ეს ყველაფერი იქნება, განსაკუთრებული რთული შემთხვევებისათვის კი იმუშავებს დელირიას ექიმი სპეციალური „ვაქცინით“.
მოწვეული ნათელმხილველი ბეჭდების რაკუნით და ბროლის ბურთის ტრიალით ჩაატარებს ინდივიდუალურ სეანსებს თვენი ბედის და საკრალური კარმის, გულის კარის, გონების გახსნაზე და განწყობის ამაღლებაზე. მკითხაობა გვირილაზე, „გადაი ბორიაზე“, ხელზე, ფეხზე და „ტუფლის“ ძირზე არ იქნება. სამაგიეროდ, იქნება გასამხიარულებელი ფორტუნას ბორბალი, სახალისო კონკურსები და გართობა.
13 თებერვალს დელირიაში ყველაზე ხალისიანი დღე გელოდებათ.
მოწყენილი სახეები დატოვეთ გარეთ
20: საათიდან გელოდებით, ცოცხალი მუსიკით, სიურპირებით, გემრიელი კერძებით, კარგი მომსახურებით, პრიზებით და ყურებამდე გაბადრულები.
