14 მარტს კლუბი GATE უმასპინძლებს ძალიან საინტერესო ქართველ არტისტებს და მუსიკოსებს.
HVL : კლუბ BASSIANI-ის და HOROOM-ის რეზიდენტის გიგი ჯიქიას პროექტი. მსმენელი მას Okinawa Lifestyle-დან იცნობს, რომელიც 2009 წელს შეიქმნა და 5 რელიზის გამოცემაც მოასწრო. მისი სოლო კარიერა 2013 წელს, კიოლნში დაარსებულ პლატფორმა Rough House Rosie-ზე Deep Survey EP-ით დაიწყო, რომელსაც დიდი წარმატება ხვდა წილად. მალევე მოჰყვა რელიზი ლეიბლ Voyager-ზე, სახელად Flats.2013 წელს, ელექტრონული მუსიკის და ინოვაციური პოპკულტურის დაჯილდოვების ცერემონიალზე HVL წლის ელექტრონავტად დასახელდა. 2 წლის შემდეგ, Rough House Rosie-ზე იგი ახალი რელიზით Lucky Star Of High Minded EP-ით დაბრუნდა, ხოლო მისი უკანასკნელი Persona Non Grata EP 2016 წლის თებერვალში გამოვიდა Linear Movement-ზე. BASSIANI RECORD-ზე გამოცეულმა ეისიდ-ტექნო ჟღერადობის ტრეკმა – Elegance Within The Chaos მოკლე დროში მოახერხა აღიარების მოპოვება. HVL-ის მუსიკის რომელიმე კონკრეტულ ჟანრში მოქცევა რთულია, რადგან იგი მუდმივად ეძებეს სიახლეებს და არ ერიდება ექსპერიმენტებს. დღესდღეობით HVL ერთ-ერთი ყველაზე პროდუქტიული და წარმატებული ქართველი არტისტია.
Michailo – DJ და პროდიუსერი, რომელიც 16 წლიდან დაინტერესდა დიჯეინგით. 2013 წლამდე უკრავდა სხვადასხვა კლუბებში. 2013 წელს იგი დააკავეს MDMA– ს ფლობისთვის. ვინაიდან მუსიკას მნიშვნელოვანი ადგილი უკავია მიხაილოს ცხოვრებაში, დაპატიმრების შემდეგ იგი იძულებული გახდა ფოკუსირება მუსიკის წერაზე გადაეტანა. მიხაილომ ციხეში გააკეთა მუსიკალური სტუდია, საიდანაც გამოსცა 8 ალბომი, ასევე მუშაობდა კოლაბორაციულ პროექტებზე, კერძოდ თეატრისა და კინოს მუსიკაზე. აღსანიშნავია მისი და გერმანიაში მოღვაწე ქართველი არტისტის Irakli-ს ერთობლივი ალბომი “Release EP”, რომელსაც განსაკუთრებული დატვირთვა ქონდა მისი სახელიდან გამომდინარე.
მიხაილო თავის მუსიკაში აერთიანებს ინდუსტრიულ, ექსპერიმენტალურ, მისტიკურ ჟღერადობას, აგრესიული, დამტვრეული, ტექნო ბიტის პულსაციას, მენტალურ და ატმოსფერულ ტექსტურებთან ერთად.
მიხაილო ახლა შინაპატიმრობაშია და სპეციალური ნებართვის საშუალებით მას ეძლევა საშუალება, რომ წარსდგეს მსმენელის წინაშე.
►https://soundcloud.com/michailotodua
Solar Sibling : ბათუმელი DJ პროდიუსერის გიორგი ეგუტიძის Techno პროექტია. მისი სასცენო კარიერა 2009 წლიდან იღებს სათავეს, Deep house: მუსიკალური ჟანრით და 2015 წლიდან ინტერესი Techno-ში გადაიზარდა.
►https://soundcloud.com/deep-38
