22 თებერვალს კლუბი GATE უმასპინძლებს ქუთაისელ არტისტებს და მუსიკოსებს კლუბ “BUDE” – ს რეზიდენტებს.
ზაზა ფანჩულიძე, იგივე ZAPA.
მან დაკვრა დაიწყო შორეულ 2000-იან წლებში გერმანიაში, სადაც უკრავდა სტუდენტურ და კერძო ივენთებზე. 2004 წელს დაარსებულ Wadadadays ივენთებიის სერიის ერთერთი დამფუძნებელი და ამავე წლებში კლუბის მანჰეტენ და X.O. რეზიდენტი გერმანიაში ქალაქ ფრანკფურტში.
2008 წელს შედგა მისი დებიუტი საქართველოში.
მას შემდეგ ის აქტუალურად არის ჩართული ქართული ელექტრონული მუსიკის პოპულარიზაციასა და განვითარებაში. ის იყო რამდენიმე კლუბის რეზიდენტი ქუთაისში, ასევე რამოდენიმე ფესტივალის ორგანიზატორი და პრომოუტერი.
მისი მუსიკალური მიმდინარეობები ბევრ ჟანრს მოიცავს, ჰაუს მუსიკიდან ტექნოს მძიმე ბითებამდე, დიფ ჰაუსის ჰარმონიითა და ტექ-ჰაუსის მხიარული და პოზიტიური ჟღერადობის გემოვნებიანი და გამორჩეული სეტებით. ის 2012 წლიდან არის კლუბ ბუდეს უცვლელი რეზიდენტი.
►https://soundcloud.com/dj-zapa-1/zapabude-techno-set-07062019
ØRIM : მირიან გაზდელიანის ტექნო პროექტია. მისი მუსიკალური გემოვნების ჩამოყალიბება ძალიან ადრეული ასაკიდან იწყება… მუსიკალური ცოდნა და გამოცდილება (Producing, Djing, Live Performing) განავითარა გერმანიაში ქალაქ ბერლინში 2010-2012 წლებში. არაერთი ელექტრონული ექსპერიმენტის შედეგად მან მიიღო თავისი მუსიკალური ხელწერა მძიმე ტექნო ჟღერადობით. 2013 წლიდან დღემდე მოღვაწეობს საქართველოში და მის საზღრებს გარეთ. ØRIM კლუბ ბუდეს (ქუთაისი) ერთ-ერთი თანადამფუძნებელი და რეზიდენტია.
►https://soundcloud.com/orimmusic/tracks
ნოდარ ქოჩერაშვილი (RYUU)- იგი ადრეული ასაკიდან იჩენს ინტერესს ელექტრონული მუსიკის მიმართ. სტუდენტობის წლებში, ერთი იდეით გაერთიანებულ ელექტრონული მუსიკის მოყვარულ გუნდთან ერთად, ორგანიზებას უწევს რამდენიმე მუსიკალურ ფესტივალს ქუთაისში. მასზე დიდი გავლენა იქონია ელექტრონული მუსიკის სცენის სწრაფმა განვთარებამ. უკვე, როგორც შემსრულებელი, იგი 2017 წლიდან იწყებს დეკებთან უშუალო კონტაქტს. ამ დროიდან პროექტით RYUU უკრავს ქუთაისში არსებულ კლუბებსა და მუსიკალურ სივრცეებში. ამჟამად RYUU თავისი Dub და industrial ტექნო ჟღერადობით კლუბ BUDE-ს რეზიდენტი DJ და გუნდის წევრია.
►https://soundcloud.com/nodarkocherashvili
