2022 წლის 23-31 ივლისს, ელისო ბოლქვაძის საქველმოქმედო ფონდი „ლირა“ საქართველოს სახელმწიფოს ხელშეწყობით მართავს ბათუმის რიგით მეცხრე საერთაშორისო მუსიკალურ ფესტივალს.
ფესტივალის დამაარსებლის, სამხატვრო ხელმძღვანელის, იუნესკოს მშვიდობის არტისტის – ელისო ბოლქვაძის გადაწყვეტილებით, ფესტივალის გახსნითი კონცერტი არის საქველმოქმედო და შემოსული თანხა სრულად მოხმარდება ომის შედეგად დაზარალებულ უკრაინელ ბავშვებს. ცხრა დღის განმავლობაში ბათუმს ესტუმრებიან მსოფლიოში ცნობილი მუსიკოსები და ზღვისპირა ქალაქს მოეფინება კლასიკური მუსიკის ჰანგები. ფესტივალის ერთ-ერთი მთავარი აქცენტი დაარსების დღიდან, ახალგაზრდა ქართველი ტალანტების ხელშეწყობაა, რაც მას აძლევს განსაკუთრებულ იდენტურობას და მნიშვნელობას.
საქართველოს რეგიონის ყველა კუთხიდან ნორჩ მუსიკოსებს ეძლევათ უნიკალური საშუალება მიიღონ მონაწილეობა ფესტივალშიდა წარმოაჩინონ თავიანთი შესაძლებლობები, გამორჩეულები კი რეგულარულად მიწვეულნი იქნებიან საზღვარგარეთ საერთაშორისო პროგრამებში და კონცერტებში მონაწილეობის მისაღებად. 23 ივლისს ფესტივალი გაიხსნება საქველმოქმედო გალა კონცერტით უკრაინელი ბავშვების დასახმარებლად, რომელიც გადაიცემა ფესტივალის ექსკლუზიური საინფორმაციო პარტნიორის POSTV-ის პირდაპირ ეთერში. ბათუმის შავი ზღვის ხელოვნების საერთაშორისო ფესტივალი ერთადერთი კულტურული ღონისძიებაა საქართველოში, რომელმაც უკვე მეხუთედ მოიპოვა იუნესკოს მაღალი პატრონაჟი.
10 წლის ასაკის ჩათვლით ბავშვებისთვის ფესტივალზე შემოსვლა უფასოა, მაგრამ მათ თან უნდა ახლდეთ სრულწლოვანი პირი.
- 23 ივლისი, 20:00 სთ – ელისო ბოლქვაძე და ნორჩი ტალანტები. ბათუმის ხელოვნების ცენტრი.
- 24 ივლისი, 20:00 სთ – იაპონური ჩაის ცერემონიალი. ქართულ–იაპონური გუნდი. პიანისტი ტემპეი ნაკამურა. ბათუმის ხელოვნების ცენტრი.
- 25 ივლისი, 17:00 სთ – სალონური საღამო „სტუმრად ვახტანგ ღლონტთან“, საღამოს სტუმარი მწერალი ნოდარ მაჭარაშვილი. ბათუმის ხელოვნების ცენტრი.
- 25 ივლისი, 20:00 სთ – შეერთებული შტატები – საქართველო, დიპლომატიური ურთიერთობების 30 წლისთავი. ჩვენ ყველანი თავისუფლები ვიბადებით: ადამიანის უფლებების საყოველთაო დეკლარაცია სურათებში, წიგნის პრეზენტაცია. ბათუმის ხელოვნების ცენტრი.
- 26 ივლისი, 19:00 სთ – სამუშაო შეხვედრა ქართული ვიკიპედიის ჯგუფთან.
ბათუმის ხელოვნების ცენტრი. - 27 ივლისი, 15:00 სთ – ქართული არომატები, მუსიკა და გასტრონომია. საქართველოს კუთხეების პრეზენტაცია. ბათუმის ხელოვნების ცენტრი.
- 28 ივლისი, 20:00 სთ –ქართული ფოლკლორის საღამო. სოფო ხალვაში, ლუკა ჭანიშვილი. ვოკალური ანსამბლი ბათუმი. პეტრას ციხე.
- 29 ივლისი, 20:00 სთ – ალექსანდრე ჰოლშოფი(ჩელო), ალექსანდრა(ფორტეპიანო). ბათუმის ხელოვნების ცენტრი.
- 30 ივლისი, 20:00 სთ – ქართული ხმები ფილმის ჩვენება (საბერძნეთი). ბათუმის ხელოვნების ცენტრი.
- 31 ივლისი, 16:00 სთ –შეფ-მზარეული ბრუნო ჩინგოლანი, ტრიუფელის დეგუსტაცია. გონიოს ციხე
- 31 ივლისი, 20:00 სთ – ჯუზეპე ნოვა – ფლეიტა, ალექს სებასტიანუტო – საქსოფონი, სებასტიანო ზორზა –აკორდეონი, ალექსანდრა – ფორტეპიანო. ბათუმის ხელოვნების ცენტრი.
