25 აპრილს, ბათუმი რიგით მე-3 ღამის ნახევარმარათონს მასპინძლობს!
ეს არის საერთაშორისო მასშტაბის ღონისძიება, რომელიც 1500-მდე უცხოელ და ადგილობრივ მონაწილეს აერთიანებს; წარმოადგენს AIMS ასოციაციის ოფიციალურ წევრს!
აღსანიშნავია, რომ წელს, 23-26 აპრილს, ღონისძიების ფარგლებში ვუმასპინძლებთ AIMS Wolrd Congress 2020-ს, რომელსაც 400-მდე უცხოელი დელეგატი დაესწრება.
ბათუმის ღამის მარათონი გთავაზობთ ოთხი ტიპის გარბენს, მათ შორის: 10 კმ გარბენი, 21.1 კმ ნახევარმარათონი, 1 კმ და 0.5 ბავშვთა გარბენებს.
გარბენზე რეგისტრაციის გავლა შეგიძლიათ ჩვენს ვებგვერდზე: www.batumi-marathon.com
ღონისძიების მიზანია სპორტის როგორც ჯანსაღი ცხოვრების წესის პოპულარიზაცია და ხელშეწყობა, ჩვენი ქალაქის პოტენციალის გამოყენება, რათა ბათუმი ჩაებას საერთაშორისო სპორტულ ცხოვრებაში და იქცეს მიმზიდველ სივრცედ სპორტსმენებისთვის მთელ მსოფლიოში. გარდა ამისა, ორგანიზატორებს სურთ, შექმნან პლატფორმა ახალგაზრდა ქართველი მორბენლებისთვის, სადაც ისინი შეძლებენ გამოცდილების მიღებას და მომზადებას საერთაშორისო არენაზე ასპარეზისთვის.
