ბათუმარანი

აჭარული კერძების დაგემოვნების გარეშე, აჭარაში ცხოვრება, თუ დასვენება, განახევრებული სიამოვნებაა. არსებობს აჭარული ტრადიციული კერძები, რომელთა ნამდვილი გემოს გაგება მხოლოდ ოჯახებშია შესაძლებელი. სწორედ ამიტომ, რესტორან "ბათუმარანში" მიიწვიეს ოჯახის დიასახლისები და აღადგინეს ტრადიციული აჭარული სამზარეულო.

რეცეპტების მოსაძიებლად რესტორნის თანამშრომლები ეთნოგრაფებთან და ფოლკლორისტებთან ერთად მუშაობდნენ. მოგზაურობდნენ მაღალმთიან აჭარაში და ეძებდნენ ძველ წიგნებში რეცეპტების ვარიაციებს.

კერძების მოკლე ისტორიას სასმელებთან ერთად, „ბათუმარანის“ ვებ გვერდზე www.batumarani.ge ნახავთ. მენიუ 60-მდე სხვადასხვა კერძისგან შედგება, რომლის ნაწილიც კარგად ცნობილი აჭარული სამზარეულოა, ნაწილი კი – თითქმის მივიწყებული გემოები, რომელიც „ბათუმარანში“ გაცოცხლდა.

რესტორნის პირველი სართული ეთნოგრაფიული მუზეუმის ერთგვარი მინი მოდელია. „ბათუმარანის“ სტუმრებს რესტორნის მასპინძელი ეთნოგრაფიულ კუთხეს გააცნობს. სტუმრები დაათვალიერებენ აჭარაში გავრცელებულ უძველეს საყოფაცხოვრებო ნივთებს. აქვეა ორსაუკუნოვანი ისტორიის მქონე ღვინის შესანახი ჭურჭელი "ამფორა".

„ბათუმარანის“ გუნდი სტუმრებს დაუვიწყარი გემოებით გაჯერებულ სივრცეში, აჭარულ სუფრასთან ეპატიჟება.