13-14 ოქტომბერს, ბათუმი სოფლის ტურიზმის ტრადიციულ ფესტივალ „განდაგანა“-ს უმაპისნძლებს. ორი დღის განმავლობაში, სპეციალური დეკორაციებით მორთულ ევროპის მოედანზე მოსული სტუმრები აჭარულ სოფლებში ქალაქიდან გაუსვლელად იმოგზაურებენ .ფესტივალზე, ღია ცის ქვეშ წარმოდგენილი იქნება რეგიონის ყველა მუნიციპალიტეტი მხოლოდ მისთვის დამახასიათებელი სოფლის ნობათით, კერძებით, სუვენირებითა და რეწვის ნიმუშებით, რაც ფესტივალის სტუმრებს მაღალმთიანი აჭარის სოფლებში ამოგზაურებს. მოეწყობა სოფლად ტურიზმის, ეკოტურიზმისა და ღვინის ტურიზმის თემატური კუთხეები. გაიმართება აჭარის რეგიონში წარმოებული პროდუქციისა და საავტორი ხელნაკეთი ნამუშევრების გამოფენა-გაყიდვა, ასევე უცნობი აჭარული კერძების პრეზენტაცია-დეგუსტაციები და ღვინის ტრადიციული დაწურვა. ფესტივალის ფარგლებში გაიმართება კულინარიული მასტერკლასები, მხიარული კონკურსები და შეჯიბრებები, დაგეგმილია მრავალფეროვანი საბავშვო აქტივობა. ევროპის მოედანზე მისული სტუმრების განწყობაზე კი იზრუნებენ ადგილობრივი ფოლკლორული ჯგუფები და მუსიკალური ბენდები ,, არა“, ,, Svansiki” და ,,Seaside”.
