სოციალურ საწარმო – კაფე “თავისუფალ სივრცეში”, დამწყები, თვითნასწავლი ფოტოგრაფის – დავით ფუტკარაძის პირველი პერსონალური გამოფენა გაიმართება.
დათო გადაადგილებისთვის ეტლს იყენებს, ფოტოგრაფია მისი ბოლოდროინდელი გატაცებაა, თუმცა სახელოვნებო სფეროში თავისი შესაძლებლობები თეატრსა და მხატვრობაში უკვე მოსინჯა.
დათო თავისი შემოქმედებითი საქმიანობით საზოგადოებაში გავრცელებულ არაერთ სტერეოტიპს ამსხვრევს და შეზღუდული შესაძლებლობის მქონე პირებს განსაკუთრებულ მამოტივირებელ მაგალითს აძლევს.
